به‌هۆی هێرشی چه‌كدارانی گرووپی تیرۆریستیی تاڵه‌بان بۆسه‌ر ئیداره‌ی ئه‌منییه‌تی میللیی سێمانگان له باكووری ئه‌فغانستان، ١١ كارمه‌ندی ئه‌م ئیداره‌یه گیانیان له‌ده‌ست دا و به ده‌یان كه‌سی مه‌ده‌نیش بریندار بوون.
به پێی ڕاپۆرته بڵاوكراوه‌كان، له‌م هێرشه‌دا كه له نزیك شاری “ئیبه‌ك”ی ناوه‌ندی ئه‌م ویلایه‌ته ئه‌نجام دراوه، ١١ كارمه‌ندی ئه‌منییه‌ت گیانیان له‌ده‌ست داوه و ٦٣ كه‌سی مه‌ده‌نی له‌وانه ٣ منداڵ بریندار بوون. شایانی باسه، گرووپی تاڵه‌بان به‌رپرسایه‌تیی ئه‌م هێرشه‌ی گرتووه‌ته ئه‌ستۆ و ڕاشیگه‌یاندووه كه ئامانجیان ئیداره‌ی ئه‌منیه‌تی میللیی ئه‌فغانستان بووه.