ڕاپۆرته‌كان باس له‌وه ده‌كه‌ن كه به‌دوای كۆتایی هاتنی مۆڵه‌تی دیاری كراو له لایه‌ن گرووپێكی نه‌یاری ده‌وڵه‌ت به‌مه‌به‌ستی ده‌ست له‌كار كێشانه‌وه “ئه‌لێكساندێر لۆكاشێنكۆ” سه‌رۆك كۆماری ئه‌م وڵاته، خه‌ڵكی بێلارووس ڕۆژی دووشه‌ممه له‌سه‌ر بانگه‌وازی پێشووی ڕێبه‌ری ئه‌م ئۆپۆزسیۆنه بۆ به‌ڕێوه‌بردنی مانگرتنی سه‌رتاسه‌ری، وه‌ڵامی ئه‌رێنیان به بانگه‌وازه دا.
به پێی ئه‌م ڕاپۆرته، له ڕۆژی دووشه‌ممه‌وه كرێكارانی كارخانه‌كان ده‌ستیان له‌كار كێشاوه‌ته‌وه و خوێندكاران ده‌ستیانداوه‌ته به‌ڕێوه‌بردنی كۆبوونه‌وه. شایانی باسه، هێزه‌كانی پۆلیس هه‌ر له یه‌كه‌م كاتژمێره‌كانه‌وه ده‌ستیان كردووه به ده‌ستبه‌سه‌ركردنی ناڕازییان. شایانی باسه، سه‌ره‌ڕای هه‌ڕه‌شه‌ی وه‌زاره‌تی ناوخۆی بێلارووس به سه‌ركوتی توندی ناڕاییان،له‌م ڕۆژه‌دا زیاتر له سه‌د هه‌زار كه‌س له‌م وڵاته له‌ڕێگه‌ی به‌ده‌سته‌وه گرتنی ئاڵای سووری و سپی، هاتنه سه‌ر شه‌قامه‌كان و خوازیاری ئازادكرانی به‌ندكراوانی سیاسی و ده‌ست له‌كار كێشانه‌وه‌ی لۆكاشێنكۆ بوون. ئه‌م خۆپیشاندانه له‌گه‌ڵ سه‌ركوتی توندی هێزه ئه‌منییه‌كان به‌ره‌وڕوو بووه‌ته‌وه و هێزه‌كانی دژه شۆرش بۆ به‌رپرچ دانه‌وه‌ی ناڕازییان، له نارنجۆكی ده‌نگی، گازی فرمێسكرێژ، ماشێنی ئاوپاش و گولله‌ی په‌لاستیكی كه‌ڵكیان وه‌رگرتووه و به پێشگرتن به ڕێپێوانی ناڕازییان به‌ره‌و مه‌یدانی “ئیستقلال”، له‌گه‌ڵ خۆپیشانده‌ران تێكهه‌ڵچوون و به‌سه‌دان كه‌سیان ده‌ستبه‌سه‌ر كردووه.