ڕێکەوتی ١ی ڕەشەمەی ١٤٠٤ی ههتاوی، ناوەندی فەرهەنگی و فێرکاریی بەیان، بۆ ڕێزگرتن لە ٢١ی فێوریه ڕۆژی جیهانیی زمانی دایک، ڕێوڕەسمێکی پڕشکۆیان لە پێشانگای پەیکەرسازیی مامۆستا ڕێبین حەیدەری بەڕێوە برد.
لەو ڕێوڕەسمەدا کە بە بەشداریی بەشێكی زۆر لە شاعیران، نووسەران، ئەدیبان، ئەندامان و نوێنەرانی ناوەندی فەرهەنگی و فێرکاریی بەیان، لە شاری بۆکان بەڕێوە چوو، لەسەر گرینگیی زمانی دایک چەند وتارێك پێشکەش کرا و ئەو هەنگاوە گرینگەی ناوەندی فەرهەنگی و فێرکاریی بەیانیان بەرز نەخشاند.