دوێنێ، خانەنشینانی شیرکەتی موخابەرات لە چەندین شاری ئێران لەوانە ئیسفەهان، تاران، تەورێز، سنە، بروجێرد و کرماشان، بە سازکردنی گردبوونەوە و ڕێپێوان، داوای دەستەبەرکردنی مافە پیشەیی و یاساییەکانی خۆیان کرد. ناڕازییان هاوکات ناڕەزایەتیی توندی خۆیان بەرامبەر بە دۆخی نالەباری بیمەی تەواوکەر ، بەرزکردنەوەی ناڕەوای پشکی بیمە لە مووچەکەیان و پابەندنەبوونی بەرپرسان بە باشترکردنی بژێویی ژیانیان دەربڕی. بەشداربووان جەختیان لەوە کردەوە کە تا جێبەجێکردنی داواکارییە یاساییەکانیان، لە ناڕەزایەتی بەردەوام دەبن.