بەپێی هەواڵەکان، “پژمان ئەمانی“، هاووڵاتیی تەمەن ١٩ ساڵ و خەڵکی سەقز، بە دانانی بارمتەی قورس ئازاد کرا. ئەم هاووڵاتییە ڕێککەوتی ١ی ڕەزبەر، بە هێرشی هێزەکانی ئیدارەی ئیتڵاعات بۆ سەر ماڵەکەی دەستبەسەر و ڕەوانەی یەکێک لە گرتووخانە ئەمنییەکانی سەقز کرابوو؛ پاش زیاتر لە مانگێک دەستبەسەربوون، بە شێوەی کاتی و بە دانانی بارمتە ئازاد کرا. شایانی باسە تا کاتی داڕشتنی ئەم هەواڵە، هیچ زانیارییەک سەبارەت بەو تۆمەتانەی دراونەتە پاڵی لە بەردەستدا نییە.