بهپێی ڕاپۆرتی گهیشتوو، هاووڵاتییهكی خهڵكی شاری سونقوری كرماشان، سهرهڕای تێپهڕبوونی زیاتر له مانگێك له دهستبهسهركرانی، هێشتا چارهنووسی دیار نییه.
سهرچاوه ئاگادارهكان ئاماژه بهوه دهكهن كه ئهو هاووڵاتییه به ناوی “مههدی باقری” ڕۆژی دووشهممه ١٥ی بهفرانباری ئهمساڵ، له لایهن هێزه ئهمنیهكانی ڕژیمهوه دهستبهسهر و ڕهوانهی گرتووخانهكانی ناوهنده ئهمنیهكان كراوه. جێگای ئاماژهیه سههرهڕای بهدواداچوونی بنهماڵهكهی له سهر دۆخی تهندروستی و شوێنی ڕاگرتنی، تا كاتی داڕێشتنی ئهم ههواڵه زانیارییهك له بهردهستدا نییه و له مافی پهیوهندی گرتن لهگهڵ بنهماڵهكهی بێبهش كراوه.