ڕۆژی یه‌كشه‌ممه ٢٠ی خه‌زه‌ڵوه‌ر، چوار شارومه‌ندی به‌هایی دانیشتووی شاری شیراز له‌لایه‌ن هێزه ئه‌منییه‌كانه‌وه ده‌ستبه‌سه‌ر و بۆ شوێنێكی نادیار ڕاگوێزران.
به پێی زانیارییه‌كان، چوار شارومه‌ندی به‌هایی به ناوه‌كانی “وه‌حید مه‌عسوومی”، “ڕۆزیتا ئیسلامی”، “ئیلهام حه‌قیقه‌ت جوو” و “وه‌حید سابت”، به بێ به‌لگه‌ی قه‌زایی و به توندوتیژییه‌وه له‌لایه‌ن ئیداره‌ی ئیتلاعاته‌وه ده‌ستبه‌سه‌ر و بێسه‌روشوێن كراون. جێگای ئاماژه‌یه كه ڕژیمی سه‌ركوتگه‌ری ئیسلامی شه‌پۆلێكی نوێی سه‌ركوتی به‌هاییه‌كانی ده‌ست پێكردووه و له ڕۆژانی ڕابردووشدا ناونده قه‌زاییه‌كانی پارێزگای گیلان، ده‌ستیان به سه‌ر موڵك و ماڵی چه‌ند هاووڵاتی به‌هایی دا گرتووه.