ڕۆژی پێنجشه‌ممه ١٢ی ڕه‌زبه‌ری ١٤٠٣، كاسبكارێكی خه‌ڵكی بۆكان به ناوی “یووسف ده‌شتی” به ته‌قه‌ی ڕاسته‌وخۆی سه‌ركوتگه‌رانی حكوومه‌ت له جاده‌ی مهاباد گیانی به‌خت كرد.
به‌پێی ڕاپۆرتی كۆڵبه‌رنیووز، هێزه‌كانی حكوومه‌ت له جاده‌ی نێوان بۆكان بۆ مهاباد ئۆتۆمبێلی “یووسف ده‌شتی”یان به بێ ئاگاداركردنه‌وه‌ی پێشوه‌خت داوه‌ته به‌ر ده‌ستڕێژی گوله و له ئه‌نجامی ئه‌و هێرشه‌دا، سه‌رنشینی ئۆتۆمبێله‌كه به هۆی هه‌ڵگرتنی چه‌ند پاكه‌ت توتوونی قلیان گیانی له پێناو دابینكردنی پاروویێك نان به‌خت كردووه.