ڕۆژی چوارشه‌ممه ٢٨ی خه‌رمانان، دوو چالاكی مه‌ده‌نی و خوێندكاری خه‌ڵكی شاره‌كانی سه‌قز و دیوانده‌ر به ناوكانی “فه‌ردین موسته‌فایی” و “سینا محه‌ممه‌دی” له‌لایه‌ن ناوه‌نده ئه‌منیه‌تیه‌كانی ڕ‌ژیمه‌وه ڕفێندران.
فەردین مستەفایی، تەمەن ٣٩ ساڵ و خەڵکی سەقز، بەڕێوەبەری کەناڵی تێلێگرامی “سەقز ڕووداو” و ئەندامی فیدراسیۆنی نێودەوڵەتیی ڕۆژنامەنووسان، لەلایەن هێزه‌كانی ئیداره‌ی ئیتلاعاته‌وه له یه‌كێك له كافه‌كانی جاده‌ی بانه ده‌ستبه‌سه‌ر و بۆ شوێنێكی نادیار ڕاگوێزراوه. ناوبراو پێشتر و له مانگی خه‌زه‌ڵوه‌ری ساڵی ڕابردوو، به‌هۆی بڵاوكردنی هه‌واڵێك له‌سه‌ر كێشه و گرفتی خه‌ڵكی سه‌قز و دانانی ڕاپۆرته‌كه له سه‌ر كاناڵی سه‌قز ڕووداو، كه‌وته به‌ر ڕه‌ق و قینی فه‌رمانداری ئه‌و شاره و سكاڵا له‌سه‌ری تۆمار كرا. له‌لایه‌كی دیكه‌وه، سینا محه‌ممه‌دی، خوێندكاری بواری زانیاری كۆمه‌ڵناسی و خه‌ڵكی بڵواناوای دێولان، له‌لایه‌ن ئیتلاعاتی سپای پاسدارانه‌وه به توندووتیژییه‌وه ده‌ستبه‌سه‌ر كراوه و زانیارییه‌ك له‌سه‌ر چاره‌نووسی له‌به‌رده‌ستدا نییه.