رۆژی شەممە یەکی جۆزەردان، کۆمەڵێک لە کرێکارانی شیرکەتی ئاو و ئاوڕۆی “ئیزە” لە ناڕەزایەتی بە پێڕانەگەیشتنی داواکارییەکانیان کۆبوونەوە.
کرێکارانی ناڕازی بە کۆبوونەوە لە بەرامبەر بینای “ئابفای” ئەو شارە خوازیاری پێڕاگەیشتنی خواستەکانیان بوون. کرێکارانی “ئابفای” ئیزە زیاد لە 10 مانگ حەقدەستی دواخراویان هەیە و لەو باروودۆخە نالەبارە دا، ژیان و گوزەرانیان بە چەند قات خراپتر بووە. کرێکاران لە کۆبوونەوەکەیان دا هاوکات لە گەڵ داواکاری بۆ پێدرانی سەروەختی حەقدەستەکان، خوازیاری روون بوونەوەی باروودۆخی دامەزرانیشیان بوون.