به‌یانی شه‌ممه ٢ی خاكه‌لێوه‌ی ١٤٠٤، پێنج مووشه‌ك له لوبنانه‌وه به ئاراسته‌ی خاكی ئیسڕائیل ته‌قێندرا و ئه‌رته‌شی ئیسڕائیل له وڵامدا باشووری ئه‌و وڵاته‌ی به چڕی بۆردوومان كرد.
وه‌زیری به‌رگری ئیسڕائیل هۆشداری به حیزبۆڵڵا و ده‌وڵه‌تی لوبنان دا كه وڵامی هه‌ر جۆره هێرشێك به توندترین شێوه ئه‌ده‌نه‌وه. به وته‌ی به‌رپرسانی فریاكه‌وتنی خێرای لوبنان، له هێرشه‌كانی به‌یانی شه‌ممه دا به لانیكه‌م ١٢ كه‌س كوژرا و بریندار بوون. جێگای ئاماژه‌یه كه گرووپی حیزبۆڵڵای لوبنان له ڕاگه‌یاندنێك دا ڕه‌دیان كردووه‌ته‌وه كه هێرشه‌كان له‌لایه‌ن ئه‌وانه‌وه ئه‌نجام درابێت، هه‌روه‌ها وه‌زیری ده‌ره‌وه‌ی لوبنانیش خوازیاری چوونه‌ده‌ره‌وه‌ی ئه‌رته‌شی ئیسڕائیل له باشووری لوبنان بووه و سه‌باره‌ت به هه‌ڵگیرسانی شه‌ڕێكی دیكه له‌و وڵاته هۆشداری به كۆمه‌ڵگای جیهانی داوه.