سەپاندنی سزای لەسێدارەدان بەسەر سێ کەسی دیکە لە دەستبەسەرکراوانی خۆپێشاندانەکانی ساڵی ڕابردوو

سێ هاووڵاتی لە دەستبەسەرکراوانی ڕەوتی ناڕەزایەتییەکانی مانگی بەفرانبار، سزای لەسێدارەدانیان بەسەردا سەپێندرا.
ناسنامەی تەنیا یەکێک لەو کەسانە بە ناوی «مەتین فەرنیان» ئاشکرا کراوە و ئەو دوو کەسەی دیکە هێشتا ناسنامەیان نادیارە. ئەو هاووڵاتییانە لە ڕۆژانی ٢٩ و ٣٠ی بەفرانباری ساڵی ڕابردوودا دەستبەسەر کران و ڕەوانەی گرتووخانەی وەکیلئابادی مەشهەد کران؛ دواتر لە لایەن دادگای شاری مەشهەدەوە بە تۆمەتی «محاربە» سزای لەسێدارەدانیان بەسەردا سەپێندرا.