بەپێی ڕاپۆرتێک کە لە میدیاکانی ئیسرائیلدا بڵاو کراوەتەوە، لە نێوان بنیامین نەتانیاهۆ، سەرۆک‌وەزیرانی ئیسرائیل، و ئایال زامیر، سوپاسالاری ئەو وڵاتە، سەبارەت بە شێوازی مامەڵەکردن لەگەڵ کۆماری ئیسلامیی ئێران ناکۆکییەکی دەگمەن دروست بووە.
بەپێی سەرچاوە ئەمنییەکان، زامیر نیگەرانە لەوەی بڕیارە پێشبینیکراوەکانی سەرکردە سیاسییەکان لە کاتی هەڵبژاردندا ببێتە هۆی هەڵەیەکی ستراتیژی و هەڵگیرسانی شەڕێکی لەناکاو لەگەڵ ئێران. لە بەرامبەردا، نەتانیاهۆ بوونی هەر جۆرە ناکۆکییەکی لەگەڵ زامیر لەسەر ئەم بابەتە ڕەت کردووەتەوە و بانگەشەی ئەوەی کردووە کە ئێران هەوڵ دەدات کاریگەری بخاتە سەر هەڵبژاردنەکانی ئیسرائیل.