به پێی زانیارییه‌كان، هێرشێكی قورسی سایبری كراوه‌ته سه‌ر دا‌موده‌زگا ده‌وله‌تییه‌كانی كۆماری ئیسلامی و هه‌ندێك له چالاكانی سیاسی ده‌ڵێن: ئه‌و هێرشه سه‌رتایێكه بۆ هێرشی گه‌وره‌تری ئیسڕائیل.
به وته‌ی ده‌بیری پێشووی فه‌زای مه‌جازی ئێران، هێرشی سایبری كراوه‌ته سه‌ر ماڵپه‌ڕه‌كانی سه‌ر به ده‌زگای قه‌زایی، وه‌زاره‌تی ده‌ره‌وه، ناوه‌نده ئه‌منیه‌تیه‌كان، نه‌وت و پترۆشیمی، به‌شی هاتووچۆ و گواستنه‌وه، به‌نده‌ركان و ده‌یان ناوه‌ندی دیكه‌ی ئێران. ئه‌و به‌رپرسه‌ی ڕژیم هه‌روه‌ها ئاشكرای كردووه كه له ئه‌نجامی ئه‌و هێرشانه‌دا به‌ڵێگه‌یێكی زۆری نێهینی دزراوه.