رۆژی ڕابردوو، خانەنشینکراوانی مۆخابرات لە چەند شاری ئێران و کوردستان دژ بە خراپی دۆخی ژیانیان کۆبوونەوە.
خانەنشینکراوان لە شارەکانی کرماشان، ئەهواز، شوش و چەندین شاری دیکەی ئێران بە بەڕێوە بردنی کۆبوونەوە ناڕەزایەتی خۆیان دەربڕیوە. هاووڵاتییانی ناڕازی ئاماژەیان بە بەرزبوونەوەی رۆژانەی نرخی پێداویستییەکانی ژیان و هەروها ڕێژەی هەڵاوسان کردووە و ڕایانگەیاندووە کە چیتر توانای دابین کردنی بژێوی ژیانی بنەمالەکانیان نەماوە. ئەو هاووڵاتییانە هەروەها جەختییان لەسەر سەرکوت و دەستبەسەرکرانی ناڕازیانی لە سنفە جیاوازەکان بوون و تۆرەیی خۆیان بۆ زیندانی و سێدارەدانی ئەو هاووڵاتییانە بە توندی دەربڕێوە.