بەپێی دوایین هەواڵەکان، دوو ئەندامی سپای پاسداران لە ئەنجامی شەڕ و پێکدادانێک لە نێوان حووسیەکانی یەمەن و هێزەکانی حکومەتی ناوەندی ئەو وڵاتەدا، کوژراون.
سەرچاوە سەربازییەکانی حکومەتی ناوەندە یەمەن ڕایانگەیاند کە لە ئەنجامی ئۆپراسیۆنێکی سەربازی هێزەکانیان دژ بە چەکدارانی سەر بە حووسیەکانی یەمەن و پاڵپشتانیان، زیانێکی زۆر بەر حووسیەکانی یەمەن کەوتووە و لە ئەنجامدا دوو ئەندامی سپای پاسدارانی کۆماری ئیسلامی، چەکدارێکی خەڵکی عێراق و سەر بە سپای پاسداران و هەروەها فەرماندەیەکی پلەبەرزی حوویەکان کوژراوە.