بەپێی ڕاپۆرتەکان، لە ئەنجامی ڕووداوێکی هاتووچۆ لە رێگای “ئازەرشار” بۆ “تەورێز“، کرێکارێک گیانی لەدەست دا و شەش کرێکاری دیکە بە سەختی بریندار بوون.
ئەم ڕووداوە لە کاتی کارکردنی کرێکارانی قیرتاوکردنی جادە لە بەردەم پادگانی “شەهید قازی” بە هۆی کێشانی پێکدادانی ئۆتۆمبێلێک ڕووی داوە. بەپێی ڕاگەیەندراوی “وەحید شادینیا” وتەبێژی فریاکەوتنی پارێزگای “ئازەربایجانی ڕۆژهەڵات“، پاش ڕووداوەکە چوار ئەمبوڵانس ڕەوانەی شوێنەکە کراون و بریندارەکان رەوانەی نەخۆشخانە کران.