رۆژی ڕابردوو، خانەنشینکراوانی مۆخابرات لە کوردستان و شارەکانی ئیران بۆ چەندەمین جاری بەردەوام لە چەند مانگی ڕابردوودا، دژ بە ناکارامەیی بەرپرسانی کۆماری ئیسلامی کۆبوونەوە.
بە پێی ئەو وێنانەی کە بە دەستمان گەیشتوون، خانەنشینکراوان لە شارەکانی “بیجار، ئەراک، تاران، ئەهواز، کرمانشا، ئەردەبێل و ئیسفەهان” بە وتنەوەی درووشم و هەڵکردنی پلاکارد، خوازیاری بەرزکردنەوەی ئاستی حەقدەست بەپێی ڕێژەی هەڵاوسان، دابین کردنی بیمەی دەرمانی کارامە، بایەخ دانی ڕژیمی کۆماری ئیسلامی و بەرپرسانی بە دۆخی ژیانی خانەنشینکراوان و هەروەها ئازادی دەستبەجێی خانەنشینکراوانی دەستبەسەرکراو بوون.