ڕۆژی ڕابردوو، کۆمەڵێک لە چالاکوان و دامەزراوەکانی مافی مرۆڤ لە ئێران بە بڵاوکردنەوەی بەیاننەمەیەک داوایان کردووە هێرشەکان بوەستێنن و ژیانی هاووڵاتیانی مەدەنی بپارێزن.
بەپێی ئەم بیانیەیە، لە ماوەی شەڕەکەدا سەدان هاووڵاتی مەدەنی گیانیان لەدەستداوە و هەزاران کەسی دیکەش بریندار بوون. هەروەها ئاماژە بەوە کراوە کە لە نێوان قوربانییاندا ژمارەیەکی بەرچاو منداڵیش هەن. هاوکات هێرش بۆ سەر ژمارەیەک ناوەندی تەندروستی و نەخۆشخانەش بە پێشێلکردنی یاساکانی نێودەوڵەتی ناو براون.
ئەم دامەزراوانە لە هەمان کاتدا داوایان کردووە دەسەڵاتدارانی کۆماری ئیسلامی دەستڕاگەیشتن بە خزمەتگوزارییە مرۆییەکان بۆ هاووڵاتیان دابین بکەن و هێڵی ئینتەرنێتی نێودەوڵەتی لە سەرانسەری وڵاتدا بگەڕێننەوە.