لە ڕۆژانی ڕابردوودا، دوو خوێندکار لە زانکۆکانی تاران و یاسوج دەستبەسەر و ڕەوانەی گرتووخانەی ناوەندە ئەمنیەکان کراون.
بەپێی دوایین زانیارییەکان، ڕۆژی چوارشەممە ٢٩ی ڕێبەندان، خوێندکارێکی زانکۆی تاران بە ناوی “نیما ئەمیری” تەمەن ٢٠ ساڵ، لە لایەن هێزەکانی ئیدارەی ئیتلاعاتەوە دەستبەسەر و ڕەوانەی شوێنێکی نادیار کراوە. هەروەها ڕێکەوتی ١٩ی ڕێبەندان، خوێندکارێکی دیکەی زانکۆی یاسوج بە ناوی “عەلی باقری” تەمەن ٢١ ساڵ، بە هێرشی هێزە ئەمنیەکان بۆ سەر ماڵەکەی دەستبەسەر و تا کاتی داڕشتنی ئەم هەواڵە لە مافی دەستڕاگەیشتن بە پارێزەر و پەیوەندی لەگەڵ بنەماڵەکەی بێبەش کراوە.