ڕۆژی هه‌ینی ٩ی سه‌رماوه‌زی ١٤٠٣، تیرۆریستانی سه‌ر به ده‌وڵه‌تی توركیا هێرشیان كرده سه‌ر گوندی حه‌لیسه‌ی سه‌ر به شاری عه‌فرین و به‌وهۆیه‌وه چه‌ند كه‌س كوژران و بریندار بوون.
به‌پێی ڕاپۆرتی ڕوانگه‌ی سووری بۆ مافه‌كانی مرۆڤ، له ئه‌نجامی تۆپبارانی گوندی حه‌لیسه منداڵێك به ناوی “ڕۆسیل محه‌ممه‌د خه‌له‌ف” گیانی به‌خت كردووه و چه‌ند شارومه‌ندی دیكه‌ش بریندار بوون. هه‌روه‌ها له به‌ره‌ی ته‌ل ڕه‌فعه‌ت شه‌ڕێكی قورس له نێوان هێزه‌كانی سووریای دیمۆكراتیك و تیرۆریستانی به‌ره‌ی نۆسره‌ی سه‌ر به ده‌وڵه‌تی توركیا به‌ڕێوه ده‌چێت و شه‌ڕڤانان گورزی كوشه‌نده‌یان له تیرۆریستان وه‌شاندووه.