شەوی چوارشەممە ٢٧ی بەفرانباری ١٤٠٢، “ئارام سەبزی” تەمەن ٣٠ ساڵ و خەڵکی بۆکان لە دوای هێرشی هێزە ئەمنییەکان بۆسەر ماڵەکەی دەستبەسەر و بۆ شوێنێکی نادیار گواستراوه‌تەوە.
هێزە ئەمنییەکان کە نزیک بە ٣٠ کەس بوون لە کاتی دەستبەسەرکرانی “ئارام سەبزی”، ماڵەکەیان پشکنیوە و دەستیان بەسەر مۆبایل و كامپیۆتره‌كه‌یدا گرتووه و هه‌ندێك له كه‌لووپه‌لی نێو ماڵه‌كه‌یان شكاندووه. تاكاتی داڕشتنی ئه‌و هه‌واڵه هیچ زانیارییه‌ك له‌سه‌ر هۆكاری به‌ندكران و شوێنی ڕاگیرانی ئه‌و هاووڵاتیه له‌به‌رده‌ستدا نییه و به‌دواداچوونی بنه‌ماڵه‌كه‌ی بێ ئاكام بووه.