به‌پێی هه‌واڵی گه‌یشتوو، كێڵگه و له‌وه‌ڕگه‌كانی گوندی سرماجی سه‌ر به شارستانی هه‌رسین له‌لایه‌ن كه‌سانی دژبه‌ری ژینگه‌وه ئاگر درا و تا دره‌نگانی شه‌و ئاگره‌كه به‌رده‌وام بوو.
به‌وته‌ی سه‌رچاوه خۆجێیه‌كان، ئاگره‌كه له چیای “سیرابله” ده‌ستی پێكردووه و بۆ كێڵگه و له‌وه‌ڕگه‌كانی گوندی سرماج ته‌شه‌نه‌ی كردووه. به‌پێی زانیارییه‌كان، ئاگره‌كه پاش چه‌ند كاتژمێر له‌لایه‌ن خه‌ڵكی خۆبه‌خش و ژینگه‌دۆستانه‌وه كۆنتڕۆڵ كراوه به‌ڵام زیانێكی زۆر به سرووشتی ناوچه‌كه گه‌یشتووه.