به‌پێی هه‌واڵی گه‌یشتوو، ڕۆژی یه‌كشه‌ممه ٨ی مانگی گه‌لاوێژ، ژماره‌یه‌ك له شاخه‌وانانی كامیاران به سه‌ركه‌وتن به‌ر سه‌ر یه‌كێك له چیاكانی ناوچه‌كه، ڕێزیان له یاد و بیره‌وه‌رییه‌كانی “فوئاد محه‌ممه‌دی”دا گرت.
به‌پێی ئه‌و ڕاپۆرته، چالاكانی ژینگه‌یی كامیاران به به‌ده‌سته‌وه گرتنی وێنه‌ی گیانبه‌ختكردوو “فوئاد محه‌ممه‌دی” وێڕای ڕێزگرتن له یاد و بیره‌وه‌رییه‌كانی، په‌یمانیان له‌گه‌ڵ ئامانجه‌كانی نوێ كرده‌وه و به‌ڵێنیان دا درێژه‌ده‌ری ڕێگای پڕ شانازی بن. جێگای ئاماژه‌یه كه “فوئاد محه‌ممه‌دی” له ڕه‌وتی شۆڕشی “ژینا” له ڕێكه‌وتی ٢٤ی خه‌زه‌ڵوه‌ری ١٤٠١ به ته‌قه‌ی هێزه‌كانی ڕژیم له شاری كامیاران گیانی به‌خت كرد.