بەپێی ڕاپۆرتی ناوه‌نده‌كانی مافی مرۆڤ، سێ ئەندامی بنەماڵەیەکی خەڵکی شاری مهاباد بە ناوەکانی “سەعادەت تاشکە”، “مەولوود ئاتەشبار” و “یووسف ئاتەشبار” وێڕای تێپه‌ڕبوونی دوو مانگ به‌سه‌ر كاتی ده‌ستبه‌سه‌ركرانیان دا، چاره‌نووسیان به ناڕوونی ماوه‌ته‌وه.
بەپێی زانیارییه‌كان، “مەولوود ئاتەشبار”ی تەمەن ٤٠ ساڵ و “سەعادەت تاشکە”ی هاوژینی، ماوەی زیاتر لە ٦٣ ڕۆژە لەلایەن هێزە حکوومەتییەکانەوە لە کێڵگەیەکی ته‌نیشت شاری مهاباد کاریان دەکرد، دەستبەسەر کراون و تاکوو ئێستا هیچ زانیارییەک لەسەر چارەنووس، دۆخی تەندروستی و شوێنی ڕاگیرانیان لە بەردەستدا نییە. شایانی باسه كه یووسف ئاتەشبار بە “موحاربە” تۆمەتبار کراوە و ئێستەش گیانی لە مەترسیدایە و هیچ زانیارییەک لەسەر چارەنووسی براکەی و هاوژینی براکەی لە بەردەستدا نییە. ناوبراو کە باوکی سێ کچە و له‌ژێر ئه‌شكه‌نجه دا ناچار به ئێعترافی ئیجباری بووه. شایانی باسە کە ناوەندە حکوومەتییەکان هەڕەشەیان لە بنەماڵەی یووسف و مەولوود ئاتەشبار کردووە و داوای ڕادەستکردنی برایەکی دیکەیان بەناوی “موراد ئاتەشبار” دەکەن کە ئێستا نیشتەجێی تاراوگەیە.