“ڕه‌یحانه ئه‌نساری نژاد” چالاكی كرێكاری و له ئه‌ندامانی كۆمیته‌ی هاوئاهه‌نگی بۆ پێكهێنانی ڕێكخراوه‌ی كرێكاری سه‌ربه‌خۆ، له‌لایه‌ن لقی ١٥ی دادگای ئینقلابی تاران به سه‌رۆكایه‌تی قازی سه‌ڵه‌واتی به چوار ساڵ زیندانی ته‌عزیری و كۆمه‌ڵێك جه‌زای ته‌كمیلی مه‌حكووم كرا.
به‌پێی ڕاپۆرته‌كان، “ڕه‌یحانه ئه‌نساری نژاد” له‌لایه‌ن ده‌زگای قه‌زایی ڕژیمه‌وه به تۆمه‌تی “ئیجماع و ته‌بانی به مه‌به‌ستی تێكدانی ئه‌منیه‌تی وڵات” به چوار ساڵ زیندانی ته‌عزیری، قه‌ده‌غه‌ی چالاكی له حیزب، گرووپی سیاسی و تۆڕه كۆمه‌ڵایه‌تیه‌كان، هه‌روه‌ها دوو ساڵ قه‌ده‌غه‌ی سه‌فه‌ر بۆ ده‌ره‌وه‌ی وڵات مه‌حكووم كراوه.