ڕۆژی دووشه‌ممه ٢ی مانگی گه‌لاوێژ، هێزه‌كانی “سوڵتان سوله‌یمان” و “پۆلیسی نیزامی سه‌ر به ده‌وڵه‌تی توركیا له شارۆچكه‌كانی جندریس و ماباتای سه‌ر به شاری عه‌فرین ١٦ شارۆمه‌ندی كوردیان ڕفاند.
به‌پێی ڕاپۆرته‌كان، ئه‌و ١٦ شارۆمه‌نده كورده كه‌شاوه‌رزن و به‌نیاز بوون به‌رهه‌می سماقی باخه‌كانیان بفرۆشن به‌ڵام هێزه ئیسلامگه‌راكانی سه‌ر به ده‌وڵه‌تی توركیا ده‌ستیان به‌سه‌ر باخ و به‌رهه‌مه‌كانیان دا گرت. كه‌شاوه‌رزان كاتێك له به‌رامبه‌ر هه‌ڵسووكه‌وتی ئه‌و هێزانه ناڕه‌زایه‌تیان ده‌ربڕیوه، له‌لایه‌ن پۆلیسی نیزامیه‌وه ڕفێندراون و هیچ زانیارییه‌ك سه‌باره‌ت به چاره‌نووسیان له‌به‌رده‌ست دا نییه.