ڕۆژی یه‌كشه‌ممه ١ی مانگی گه‌لاوێژ، هونه‌رمه‌ندی زیندانی “سامان یاسین” به بڕیاری قازی په‌روه‌نده بۆ نه‌خۆشخانه‌ی ڕه‌وانپزیشكی گوازرایه‌وه.
“سامان یاسین” هونه‌رمه‌ندی بواری ڕه‌پ و خه‌ڵكی كرماشان، مانگی ڕه‌زبه‌ری ساڵی ١٤٠١ و له ڕه‌وتی شۆڕشی”ژینا” له‌لایه‌ن هێزه‌كانی ڕژیمه‌وه له شاری كه‌ره‌ج ده‌ستبه‌سه‌ر و دواتر به موحاره‌به تۆمه‌تبار كرا. ڕۆژی ڕابردوو ئه‌و به‌ندكراوه به فه‌رمانی قازی “سه‌ڵواتی” بۆ نه‌خۆشخانه‌ی ڕه‌وانپزیشكی ڕازی له ناوچه‌ی “ئه‌مین ئاباد”ی شاری ڕه‌ی گوازرایه‌وه و ئێستا بنه‌ماڵه‌كه‌ی نیگه‌رانی دۆخی ته‌ندرووستی و چاره‌نووسی ناوبراون.