ڕۆژی یه‌كشه‌ممه ١ی مانگی گه‌لاوێژ، دوو ئه‌ندامی ئه‌نجومه‌نی سه‌وزی چیای مه‌ریوان به ناوه‌كانی “شێركۆ فریشته” و “هادی ڕوبۆسه” له كاتی كۆنتڕۆڵ كردنی ئاگری دارستانه‌كانی ئه‌و شاره بریندار بوون.
له ماوه‌ی ڕۆژانی ٢٩ و ٣٠ی پووشپه‌ڕی ١٤٠٢، ٢١٥ هێكتار له دارستانه‌كانی “سه‌ڵه‌سی”، “چاوگ”، “سێف ژوورو” و “پێله” و ١٨٠ هێكتار له دارستانه‌كانی گونده‌كانی “ساوا” و “كانی میران” له‌لایه‌ن به‌كرێگیراوانی سپای پاسدارانه‌وه ئاگر درا و پێنج چالاكی ژینگه‌یی به‌هۆی ته‌قینه‌وه‌ی مین بریندار بوون. ڕۆژی یه‌كشه‌ممه دوو چالاكی ژینگه‌یی به ناوه‌كانی “شێركۆ فریشته” و “هادی ڕوبۆسه” له كاتی كۆنتڕۆڵ كردنی ئاگری دارستانه‌كانی گوندی “ساوا” بریندار بوون. به‌پێی دوایین زانیاریی، پاش چه‌ند ڕۆژ هه‌وڵ و تێكۆشان ئاگری دارستانه‌كان كۆنتڕڵ كراوه به‌ڵام ئاگری جه‌نگه‌ڵه‌كانی ده‌ورووبه‌ری گوندی “پێله” دووباره سه‌ری هه‌ڵداوه و داوا له خه‌ڵكی ناوچه‌كه و ژینگه‌پارێزان كراوه بچن به هانای ئه‌نجومه‌نی سه‌وزی چیا و یارمه‌تیان بده‌ن.