به‌پێی هه‌واڵی گه‌یشتوو، ڕۆژی سێشه‌ممه ٢٧ی پووشپه‌ڕ، به‌كرێگیراوانی ڕژیم له پیرانشار گڵكۆی هه‌میشه زیندوو “زه‌كه‌ریا خه‌یاڵ”یان تێك دا.
به‌وته‌ی هاووڵاتیان، ئه‌مه دووهه‌مین جاره به‌كرێگیراوانی ڕژیم ئه‌و كرده‌وه قێزه‌ونه ئه‌نجام ده‌ده‌ن و ته‌نیا نه‌فره‌ت و تۆڕه‌یی بنه‌ماڵه‌ی دادخوازان و خه‌ڵكی ئازادیخواز له خۆیان زیاتر ده‌كن. “زه‌كه‌ریا خه‌یاڵ”شه‌وی ٢٩ی خه‌رمانانی ١٤٠١ و له ته‌نیشت مه‌دره‌سه‌ی شه‌وانه‌ڕۆژی كچان له شه‌قامی ٣٢ متری پیرانشار به ته‌قه‌ی ڕاسته‌وخۆی هێزه‌كانی ڕژیم گیانی به‌خت كرد.