ڕۆژی پێنجشه‌ممه ١٩ی مانگی خه‌زه‌ڵوه‌ر، لاوانی بوێری به‌لووچستان له‌كاتی به‌ڕێوه‌چوونی مانۆڕی نیزامی سپای پاسداران له ڕێگان، هێرشیان كردۆته سه‌ریان و مانۆڕه‌كه‌یان لێ تێكداون.
به‌پێی ڕاپۆرته‌كان، لاوانی قاره‌مانی به‌لووچ به وتنه‌وه‌ی دروشمی “مه‌رگ بۆ دیكتاتۆر” و به فڕێدانی به‌رد ڕووبه‌ڕووی هێزه‌كانی سپای پاسداران بوونه‌ته‌وه و ڕێگه‌یان نه‌داوه مانۆڕه‌كه‌یان به كۆتایی بگه‌یه‌نن. شایانی باسه كه ماوه‌یه‌ك له‌وه‌پێش خه‌ڵكی قاره‌مانی به‌لووچستان مه‌عده‌نه‌كانی ناوچه‌ی “خاش”یان داخست و ڕێگه‌یان نه‌دا شیركه‌ته‌كانی سه‌ر به سپای پاسداران سه‌رمایه‌كانیان تاڵان بكه‌ن.