ژماره‌یه‌ك له كرێكارانی په‌یمانیی پاڵاوگه‌ی ئابادان، ڕۆژی یه‌كشه‌ممه به كۆبوونه‌وه له به‌رامبه‌ر نووسینگه‌ی ناوه‌ندی ئه‌م پاڵاوگه‌یه، خوازیاری به‌كرده‌وه ده‌رهاتنی گه‌ڵاڵه‌ی ڕیزبه‌ندی كاره سه‌خت و زیانباره‌كان بوون.
زیاتر له ٢٠٠ كه‌س له كرێكارانی ئه‌م پاڵاوگه‌یه و هه‌روه‌ها ژماریه‌ه‌كی دیكه له كرێكارانی په‌یمانی، له‌ئاست شێوازی به‌كرده‌وه ده‌رهاتنی گه‌ڵاڵه‌ی ڕیزبه‌ندی كاره سه‌خت و زیانباره‌كان له‌م پاڵاوگه‌یه ناڕازیین و ده‌ڵێن: هه‌تا ئێستا له نێوان كرێكارانی په‌یمانی ئه‌م پاڵاوگه‌یه، حقووقه‌كان به شێوه‌ی یه‌كسان په‌رداخت ناكرێ و ئه‌مه‌ش بووه‌ته هۆی ئه‌وه‌یكه، زیادكردنی حه‌قده‌ستی ئه‌و كرێكارانه‌ی كه ماوه‌ی چه‌ندین ساڵه له‌م ناوه‌نده نه‌وتییه كار ده‌كه‌ن، گونجاو له‌گه‌ڵ پێشینه‌ی كاریان نه‌بێ.