كۆمه‌ڵێك له كرێكارانی سایه‌تی “سه‌فیره”ی ئه‌هواز، ڕۆژی شه‌ممه ٢٩ی خه‌رمانان، بۆ جارێكی دیكه له به‌رامبه‌ر بینای شاره‌داریی و شوڕای شاری ئه‌هواز، ده‌ستیاندایه كۆبوونه‌وه و له‌ئاست بیلاته‌كلیفی كاری و گوزه‌رانیان ناڕه‌زایه‌تییان ده‌ربڕی.
به‌وته‌ی ناڕازییان، له مانگی ڕه‌شه‌ممه‌ی پاره‌كه‌وه هه‌تا مانگی گوڵانی ئه‌مساڵ به‌هۆی بڵاوبوونه‌وه‌ی ویرووسی كۆرۆنا بێكار بوون و له‌م ماوه‌یه‌دا هیچ حه‌قده‌ستێكیان پێ نه‌دراوه. ته‌نانه‌ت سه‌نه‌واتی ساڵه‌كانی ڕابردووشیان په‌رداخت نه‌كراوه. ده‌شڵێن: زۆربه‌ی كرێكارانی ئه‌م به‌شه ژنن و سه‌رپه‌ره‌ستی بنه‌ماڵه‌ن و به‌هۆی په‌رداخت نه‌كرانی حه‌قده‌سته‌كانیان، له‌گه‌ڵ كێشه‌وگرفتێكی زۆر به‌ره‌وڕوو بوونه‌ته‌وه.