ڕاپۆرته‌كان باس له‌وه ده‌كه‌ن كه ناڕه‌زایه‌تیی زیاتر له ٩٠٠ كرێكاری ده‌ركراوی كارخانه‌ی “به‌رفاب” له‌ئاست سه‌رنج نه‌دانی كارفه‌رماكان به په‌رداخت كردنی حه‌قده‌ست و مهزایاكانیان، هه‌روا به‌رده‌وامه و ئه‌م كرێكارانه ڕۆژی چوارشه‌ممه ١٩ی خه‌رمانانیش به‌م مه‌به‌سته بۆ جارێكی دیكه ده‌ستیانداوه‌ته كۆبوونه‌وه.
به پێی ئه‌م ڕاپۆرته، له ساڵی ٩٥ی هه‌تاوی زیاتر له ٩٠٠ كرێكاری كارخانه‌ی به‌رفاب له ئۆستانی چوارمه‌حاڵ و به‌ختیاریی له‌سه‌ر كاره‌كانیان ده‌ركراون. شایانی باسه، ناڕه‌زایه‌تیی ئه‌م كرێكارانه له‌ئاست بیلاته‌كلیفی كاری و گوزه‌رانیان، په‌رداخت نه‌كرانی حه‌قده‌ست و مهزایاكانیان و هه‌روه‌ها سه‌رنج نه‌دانی كاربه‌ده‌ستان به خواسته‌كانیان، له چوار ساڵ له‌مه‌وبه‌ره‌وه هه‌تا ئێستا هه‌روا به‌رده‌وامه. كرێكارانی ناڕازیی خوازیاری به‌كرده‌وه ده‌رهێنانی گه‌ڵاڵه‌ی ڕیزبه‌ندی كاره سه‌خت و زیانباره‌كان و به‌كرده‌وه ده‌رهێنانی ماده‌ی ٢٠ یاسای كارن، به‌ڵام هه‌تا ئێستا هیچكام له‌م به‌ندانه به‌كرده‌وه ده‌رنه‌هاتوون.