كرێكارانی كارخانه‌ی تراوێریسی ڕێگای ئاسنی ئه‌ندیمێشك، ڕۆژی سێشه‌ممه ١٨ی خه‌رمانان، له ناڕه‌زایه‌تیی به په‌رداخت نه‌كرانی حه‌قده‌ست و مه‌زایاكانیان و هه‌روه‌ها بارودۆخی ناله‌باری كاریان، بۆ سێهه‌مین ڕۆژی به‌رده‌وام ده‌ستیان له‌كار كێشایه‌وه و مانیان گرت.
به پێی ئه‌م ڕاپۆرته، ئه‌م كرێكارانه ماوه‌ی سێ ڕۆژه به‌هۆی بارودۆخی ناله‌باری كاریان و نه‌درانی حه‌قده‌سته‌كانیان مانیان گرتووه. به‌وته‌ی ناڕازییان، له سێ مانگ له‌مه‌وبه‌ره‌وه هه‌تا ئێستا هیچ حه‌قده‌ستێكیان پێنه‌دراوه و سه‌ره‌ڕای ئه‌مه‌ش، زیاتر له یه‌كساڵه كه مه‌زایاكانی وه‌ك كه‌وش، لیباسی كار و ده‌ستكێشیان بۆ دابین نه‌كراوه. ده‌شڵێن: به‌رپرسانی پێوه‌ندیدار به‌جێگه‌ی پێڕاگه‌یشتن به كێشه‌وگرفتی كرێكاران، ڕایانگه‌یاندووه: ئه‌گه‌ر هه‌ر كه‌س له بارودۆخی كاری ناڕازییه، ده‌توانێ بێت و ته‌سوییه بكات هه‌تا حه‌قده‌ست و مه‌زایاكانی یه‌ك جێ په‌رداخت بكه‌ین.