كۆمه‌ڵێك له مه‌عده‌نچیانی ئاق ده‌ربه‌ندی سه‌ره‌خس، ڕۆژی شه‌ممه ١٥ی خه‌رمانان، له ناڕه‌زایه‌تیی به په‌رداخت نه‌كرانی بڕی ٩ مانگ له حه‌قده‌ست و مه‌زایاكانیان، ده‌ستیاندایه كۆبوونه‌وه.
كرێكارانی ناڕازیی له‌م پێوه‌نده‌دا ڕایانگه‌یاندووه: به‌دوای ڕوودانی ته‌قینه‌وه‌كه‌ی ڕۆژی چوارشه‌ممه له‌ڕێكه‌وتی ٥ی خه‌رمانانی ئه‌مساڵ و گیان له‌ده‌ستدانی دوو كه‌س له هاوكاره‌كانیان به‌هۆی دابین نه‌كرانی ئیمكاناتی ئیمه‌نی پێویست له شوێنی كار، په‌یمانكاری ئه‌م پڕۆژه‌یه بڕی یه‌ك مانگ له حه‌قده‌سته‌كانیانی په‌رداخت كردبوو و دادستان به‌ڵێنی دابوو كه ئه‌م ته‌وه‌ره په‌یگیری بكات، به‌ڵام هه‌تا ئێستا نه ته‌نیا حه‌قده‌سته‌كانیان په‌رداخت نه‌كراوه، هیچ هه‌نگاوێك به ئاڕاسته‌ی ئیمه‌ن كردنی ئه‌م مه‌عده‌نه هه‌ڵنه‌گیراوه. ده‌شڵێن: له‌م بارودۆخه ناله‌باره ئابوورییه‌ی ئێستادا دواخرانی حه‌قده‌سته‌كانیان كه ٥ مانگی پێوه‌ندی به ساڵی ٩٦ و ٤ مانگیشی پێوه‌ندی به‌مساڵه‌وه هه‌یه، كێشه‌وگرفتێكی زۆری له بواری دابین كردنی بژێوی ژیانی خۆیان و بنه‌ماڵه‌كانیان پێكهێناوه.