كرێكارانی دامه‌زراوه‌ی پاشه‌كه‌وتی شیركه‌تی پاڵاوتنی گازی “بیدبۆله‌ند” له خه‌لیجی فارس، ڕۆژی یه‌كشه‌ممه ٩ی خه‌رمانان بۆ پێنجه‌مین ڕۆژی به‌رده‌وام له ناڕه‌زایه‌تیی به په‌رداخت نه‌كرانی حه‌قده‌سته‌كانیان و بارودۆخی نابێهداشتی شوێنی كاره‌كه‌یان، ده‌ستیان له‌كار كێشایه‌وه و له حه‌ساری ئه‌م ناوه‌نده كۆبوونه‌وه.
به پێی ڕاپۆرته‌كان، كرێكارانی ناڕازیی كه ژماره‌یان ده‌گاته ٢٠٠ كه‌س، له پێنج ڕۆژ له‌مه‌وبه‌ره‌وه هه‌تا ئێستا به‌ده‌ست له‌كار كێشانه‌وه و به‌ڕێوه‌بردنی كۆبوونه‌وه، خوازیاری په‌رداخت كردنی بڕی ٦ مانگ له حه‌قده‌ست و مه‌زایا دواخراوه‌كانیانن. ده‌شڵێن: له بارودۆخێكی نابێهداشتی كار ده‌كه‌ن و خوازیاری سه‌رنج دانی كاربه‌ده‌ستان به كێشه‌وگرفته‌كانیانن.