ڕاپۆرتهكان باس لهوه دهكهن كه ئاوارەکانی سوورییه لە نزیک شاری سەراقیب لە باکووری رۆژئاوای سوورییه، دهستیانداوهته خۆپیشاندان و داوا دەکەن رێگەیان پێبدرێت بگەڕێنەوە ناوچەکانی خۆیان.
به پێی ئهم ڕاپۆرته، بەشداربووانی ئەم خۆپیشاندانانە بەهۆی شەڕی حکومەت و ئۆپۆزیسیۆنی وڵاتەکەیان، چەندین ساڵە ئاوارهن و ئێستا داوا دەکەن رێگەیان پێ بدرێت بگەڕێنەوە ناوچەکانیان. پێویسته بوترێ كه بەهۆی ناکۆکی و ئاڵۆزییەکانی سوورییه لە ساڵی ٢٠١١ەوە تاوەکو ئێستا، زیاتر لە ٦ ملیۆن و ٢٠٠ کەس لەوانه ٢ ملیۆن و ٥٨ ههزار منداڵ لە سوورییه ئاوارە و دەربەدەربوون کە ئەمەش گەورەترین ژمارەی ئاوارەبوونە له یهك وڵات لەسەر ئاستی جیهاندا. هەرچەنده ژمارەیەک لەو ئاوارانە ئێستا گەڕاونەتەوە ناوچەکانیان، بەڵام بەشی زۆری ئاوارەکان هێشتا لە دەربەدەری و لە دۆخێکی سەختدا ژیان بەڕێدەکەن.