به پێی هه‌واڵی گه‌یشتوو، ژماره‌یه‌ك له لایه‌نگرانی كۆمه‌ڵه و حیزبی كۆمۆنیستی ئێران، به‌بۆنه‌ی ٢٦ی ڕێبه‌ندان، ڕۆژی كۆمه‌ڵه له شاری سنه، سه‌ردانی بنه‌ماڵه‌ی گیانبه‌ختكردووانیان كرد.
هه‌واڵی گه‌یشتوو له شاری سنه باس له‌وه ده‌كات كه ئه‌م هاووڕێیانه وێڕای سه‌ردانی بنه‌ماڵه‌ی گیانبه‌ختكردووانی ناو ڕێزه‌كانی كۆمه‌ڵه، به پێشكه‌ش كردنی چه‌پكه گوڵ و ڕێزگرتن له‌م ئازیزانه، ڕێزیان له یاد و فیداكاری و هه‌روه‌ها خۆڕاگری بنه‌ماڵه‌ی ئه‌م خۆشه‌ویستانه‌یان گرت.