ڕۆژی سێشه‌ممه ٢٥ی مانگی پووشپه‌ڕ، كۆمه‌ڵێك له كرێكارانی ئه‌رگی به‌م له ناڕه‌زایه‌تی به نه‌درانی حه‌قده‌ستی چوار مانگ له حه‌قده‌سته دواخراوه‌كانیان، ده‌ستییان له كار كێشایه‌وه و مانیان گرت.
كرێكارانی ناڕازی ڕایانگه‌یاندووه كه سه‌ره‌ڕای به‌دواداچوونی به‌رده‌وام و سه‌ردانی ئیداره‌ی دارایی، هه‌تا ئێستا حه‌قده‌سته‌كانیان پێنه‌دراوه. كرێكاران ئاماژه‌یان به‌وه‌شكردووه كه هه‌تا گه‌یشتن به سه‌رجه‌م خواسته‌كانیان درێژه‌ی به مانگرتن و كۆبوونه‌وه‌كانیان ده‌ده‌ن.