مێرمنداڵێکی خەڵکی شنۆ لەلایەن ناوەندە ئەمنییەکانەوە دەستبەسەر و چارەنووسی نادیارە.
ڕۆژی چوارشەممە ١٠ی مانگی سەرماوەز، هاووڵاتییەکی خەڵکی گوندی “کانی ڕەش” سەر بە شاری شنۆ بە ناوی “شارام مەنگوڕ” تەمەن ١٦ ساڵ لەلایەن هێزەکانی سپای پاسداران دەستبەسەر کراوە.
بە وتەی سەرچاوەیەکی ئاگادار، هێزەکانی ئیتلاعاتی سپا بە تۆمەتی هاوکاری لەگەڵ یەکێک لە حیزبە کوردستانییەکانی دژبەری ڕژیم ناوبراویان دەستبەسەر کردووە و دواتر بۆ یەکێک لە دەستبەسەرگەکانی ئەم ناوەندە ئەمنییە لە ئورمیە گوازراوەتەوە. تا کاتی بڵاوبوونهوهی ئەم هەواڵە هیچ زانیارییەک لە سەر چارەنووس و شوێنی ڕاگیرانی “شارام مەنگور” لەبەردەست نیە و بەدواداچوونی بنەماڵەکەی لەم پەیوەندییەدا هیچ ئاکامێکی نەبووە.