له ڕۆژانی ڕابردوودا، چوار هاووڵاتی خه‌ڵكی شاهیندژ و پێنج شارومه‌ندی خه‌ڵكی بۆكان به بیانووی به‌شداری له ڕێوڕه‌سمه‌كانی نه‌ورۆز له‌لایه‌ن ناوه‌نده ئه‌منیه‌تیه‌كانه‌وه ده‌ستبه‌سه‌ر كراون.
به‌پێی زانیارییه‌كان، چوار هاووڵاتی خه‌ڵكی گوندی حاجی ئابادی سه‌ر به شارستانی شاهیندژ به ناوه‌كانی “عوسمان عه‌باسی”، “ڕه‌حمان خۆسره‌وی”، “هێمن عه‌لیزاده” و “شه‌هرام سۆڵتانی” له هێرشی هێزه‌كانی حكوومه‌ت بۆ سه‌ر ماڵه‌كانیان ده‌ستبه‌سه‌ر كراون. له‌لایه‌كی دیكه‌وه پێنج شارومه‌ندی خه‌ڵكی بۆكان به ناوه‌كانی “ئێدریس حاجی ڕه‌سووڵپور”، “ئیبراهیم حه‌مزه” له بنه‌ماڵه‌ی دادخوازانی شۆڕشی ژینا، “ڕه‌شید ڕه‌حیمی”، “شه‌هرام نانوا” و “تاهر(پاشناو نادیار)” به‌بێ به‌ڵگه‌ی قه‌زایی له‌لایه‌ن ئیداره‌ی ئیتلاعاته‌وه ڕفێندراون و هیچ زانیارییه‌ك له‌سه‌ر چاره‌نووسیان له‌به‌رده‌ستدا نییه.