بەپێی ڕاپۆرتی گەیشتوو، ژمارەیەک لە بەندکراوانی ژنی ڕاگیراو لە زیندانی ئێڤین، لە مافی پەیوەندی و چاوپێکەوتن لەگەڵ بنەماڵەکانیان بێبەش کراون.
سەرچاوەکانی هەواڵ ئاماژە بەوە دەکەن کە ٢٣ ژنی بەندکراو لە زیندانی ئێڤین، کە ناسناوی ٤ کەسیان بریتیە لە “سەکینە پەروانە، گوڵڕوخ ئیرایی، غەزەڵ مەرزبان و نەسیم سیمیاری”، سێ تا ٩ حەفتە لە مافی چاوپێکەوتن ە پەیوەندی لەگەڵ بنەماڵەکانیان بێبەش کراون و لە ژێر گوشاری بەرپرسانی زینداندان. شایانی باسە کە زۆربەی ئەم هەڵسوکەوتە نایاساییانە، پاش ناڕەزایەتی بەندکراوان بە دۆخی خراپی بەندکراوان لە زیندان، جیانەکردنەوەی بەندکراوان بەپێی تاوانەکانیان و هەروەها دابین نەکردنی پێداویستییەکانی ژیان لە زیندان، ڕوو دەدەن.