بەپێی ڕاپۆرتی “خوێندکارانی یەکگرتوو”، هاوکات لەگەڵ دەستپێکردنی ساڵی نوێی خوێندن، ژمارەیەک لە خوێندکارانی زانۆی خاجە نەیری تاران، قەدەغەی چوونە ژوورەوە لە زانکۆیان پێ ڕاگەیندراوە.
ڕاپۆرتەکان ئاماژەبەوە دەکەن کە کۆمەڵێک لەو خوێندکارانە هێشتا دۆسیەکانیان لە کزمیتەی ئینزباتی زانکۆدا بازە، ژمارەیکی دیکە لە دەستبەسەرکراوانی ڕەوتی ناڕەزایەتییەکانی مانگی بەفرانبارن و هەروەها چەند خوێندکاری دیکەش لە لایەن حراسەتی زانکۆوە قەدەغە کراون. شایانی باسە کە پاش بەدواداچوونی خوێندکاران، هۆکاری ئەم حوکمانە نامەیەکی نەهێنی لە لایەن وەزارەتی زانست، لێکۆڵێنەوە و تێکنۆلۆژییەوە دیاری کراوە و هێشتا ئەو تۆمەتانەی کە بەسەریاندا سەپێندراوە ئاشکرا نەکراوە.