ئێعدامی چوار به‌ندكراو له‌ ورمێ

به‌ پێی ڕاپۆرته‌كان، حوکمی ئێعدامی چوار زیندانی بە تۆمەتی “کوشتنی بەئەنقەست”، لە زیندانی ناوەندیی ورمێدا جێبەجێ کرا.

ڕۆژی سێشەممە، ٢٥ی مانگی پوشپەڕ، چوار زیندانی بە تۆمەتی “کوشتنی بەئەنقەست”، بە ناوەکانی “هێمن بناوەندی”، خەڵکی شاری پیرانشار، “جەعفەر محەممەدی”، “محەممەد عارف نەجفییان”، لە بەندی ٣ و ٤ و “مەحموود خالیدی” لە بەندی ١٤ی زیندانی ورمێ، ئێعدام كران. شایانی باسه‌، هەتا کاتی بڵاوبوونەوەی ئەم هەواڵە، لەسێدارەدانی ئەم چوار زیندانییە لە لایەن ناوەندە ئەمنییەتییەکانەوە ڕانەگەیەندراوە.