بەپێی دوایین زانیارییەکان، هاووڵاتییەکی دەستبەسەرکراو لە زیندانی ناوەندی شاری یەزد بە دانانی بارمتەی قورس و بە شێوەی کاتی ئازاد کراوە.
ئەو هاووڵاتییە بە ناوی “عەلی محەممەد باغشاهی” ڕێککەوتی 15ی خەرمانان پاش ئامادەبوون لە دادگا ئینقلابی یەزد، دەستبەسەر و ڕەوانەی زیندانی ناوەندی ئەو شارە کراوە و ڕێکەوتی 5ی ڕەزبەر بە دانانی بارمتەی دوو مڵیارد تمەنی بە شێوەی کاتی ئازاد کرا. ڕاپۆرتەکان ئاماژە بەوە دەکەن کە ناوبراو بە هۆی چالاکی لە سۆشیال میدیا دەستبەسەرکراوە.