ڕۆژی یه‌كشه‌ممه ١٦ی مانگی ڕێبه‌ندان،کرێکارانی کۆمپانیای پۆڵای کاویان لە شاری ئەهواز ده‌ستیان له كار كێشایه‌وه و لە بەردەم دەرگای ئەو کۆمپانیایە کۆبوونەوە.
بە پێی ڕاپۆرتی گەیشتوو بە یەکیەتیی ئازادی کرێکارانی ئێران،هۆکاری ناڕەزایەتی و مانگرتنی کرێکارانی ئەم کۆمپانیایە، جێبەجێنەکردنی داواكاری كرێكارانە کە ماوەی ساڵ و نیوێکە دواکەوتووە و بەڕێوەبەرانی کۆمپانیاکە ماوەیەکی زۆرە بەڵێنی جێبەجێکردنی دەدەن و هه‌روه‌ها پێ نه‌دانی حه‌قده‌سته‌كانیانه. شایانی باسە کۆمپانیای پۆڵای کاویان نزیکەی ٧٠٠ کرێکاری وەک بەڵێندەر دامەزراندووە و لەگەڵ کارمەندانی دیکەش بە گشتی نزیکەی ١٠٠٠ کەس لەم کۆمپانیایەدا کاردەکەن.