ڕۆژی یه‌كشه‌ممه ٤ی مانگی به‌فرانبار، ته‌قینه‌وه‌یه‌ك له مه‌عده‌نی “فلۆریه‌ن”ی دامۆغان ڕوویدا و به‌هۆیه‌وه ٢ كرێكار گیانیان له‌ده‌ستدا و پێنج كرێكاری دیكه‌ش به‌سه‌ختی برینداربوون.
به‌پێی ڕاپۆرته‌كان، مه‌عده‌نی “فلۆریه‌ن” له شارستانی دامۆغانی سه‌ر به‌ئوستانی سیمنان هه‌ڵكه‌وتووه و به‌هۆی نه‌بوونی ئیمه‌نی شوینی كار ته‌قینه‌وه‌یه‌ك ڕوویداوه كه بووه‌ته هۆی گیان له‌ده‌ستدانی ٢ كرێكار و برینداربوونی پێنج كرێكاری دیكه. شایانی باسه كه له ماوه‌ی دوو ڕۆژی ڕابردوودا پێنج كرێكاری دیكه به‌هۆی ڕووخانی بینا و تونێلی به‌ندئاو له تاران و چوارمه‌حاڵ و به‌ختیاری گیانیان له‌ده‌ست دابوو.