سه‌رله‌به‌یانی ڕۆژی پێنجشه‌ممه ١ی ڕه‌شه‌ممه، كرێكارانی نه‌ی بڕی دامه‌زراوه‌ی نه‌یشه‌كه‌ری هه‌فت ته‌په، له ناڕه‌زایه‌تیی به درێژی بیلاته‌كه‌لیفی كاری و گوزه‌رانیان بۆ جارێكی دیكه ده‌ستیاندایه كۆبوونه‌وه.
به وته‌ی ناڕازییان، كارفه‌رما چه‌ندین جار به‌ڵێنی پێڕاگه‌یشتن به كێشه‌وگرفته‌كانیانی داوه، به‌ڵام هه‌تا ئێستا هیچكام له به‌ڵێنه‌كانی نه‌بردووه‌ته سه‌ر. ده‌شڵێن: سه‌ره‌ڕای په‌رداخت نه‌كردنی حه‌قده‌ستی مانگی سه‌رماوه‌زی ئه‌مساڵیان، حه‌قده‌ستی مانگه‌كانی جۆزه‌ردان، پووشپه‌ڕ و به‌فرانباریشیان په‌رداخت نه‌كراوه. هه‌روه‌ها ژماره‌یه‌ك له كرێكارانی ئه‌م ناوه‌نده كه شمولی خانه‌نشینی كاره سه‌خت و زیانباره‌كان ده‌بن، به‌هۆی په‌رداخت نه‌كردنی به‌شی ٤ له‌سه‌دی حقووقه‌كانیان به سازمانی ته‌ئمینی ئیجتماعی، خانه‌نشین نه‌كراون.