ڕۆژی ڕابردوو میلیشیاکانی “ئەلحەمزات”ی سەر بە سوپای تورکیە لە گوندی “میرکان”، لە ناوچەی ماباتای عەفرین تەقەیان لە مەدرەسەی گوندەکە کرد و لە ئەنجامدا ١٠ منداڵ برینداربوون.
بەپێی ڕاپۆرتەکان، چەکدارانی ئەو گرووپە کاتیک هەوڵیانداوە هێرش بکەنە سەر موعەلیمی مەدرەسەکە، موعەلیمەکە هەڵاتووە، بەڵام چەکدارەکان بەبێ ڕەچاوکردنی ژیانی منداڵانی ناو ئەو مەدرەسەیە تەقەیان کردووە و بە هۆیەوە ١٠ منداڵ بریندار کراون. جێگای ئاماژەیە یەکیک لەو منداڵانە بە ناوی “مەریەم محەمەد قاسم” بەهۆی سەختی برینەکەی ڕەوانەی نەخۆشخانەکانی تورکیە کراوە.